Papa Leoni XIV po përgatitet të udhëtojë për në Liban gjatë këtij vit, duke shënuar udhëtimin e tij të parë jashtë vendit që kur është zgjedhur kreu i Kishës Katolike në maj.
Kryepeshkopi Paul Sayah, zëvendës i udhëheqësit më të lartë katolik të Libanit, i ka thënë BBC-së se Vatikani po e “studion” udhëtimin, por se kisha është ende duke pritur datat zyrtare, raporton BBC.
Vizita do të shënonte një moment të rëndësishëm për Papën e parë amerikan, i cili ka kërkuar vazhdimisht paqe në Lindjen e Mesme dhe bashkëjetesë ndërfetare.
“Libani është një vend multikulturor dhe shumëfetar dhe është një vend dialogu”, ka thënë kryepeshkopi Sayah.
“Është një nga mjediset e rralla ku myslimanët dhe të krishterët jetojnë së bashku dhe respektojnë njëri-tjetrin… kështu që i dërgon një mesazh rajonit”, ka shtuar ai.
