Zbulohet vendburim gjigand i gazit në Mesdhe
Kompania italiane ENI ka zbuluar në brigjet e Egjiptit, një vendburim gjigand të gazit natyror, i cili llogaritet në 850 miliard metra kub (ekuivalent i 5.5 miliard fuçive naftë).
Pusi është zbuluar në vendin e quajtur Zohr, 107 kilometra larg Port Saidit dhe në një thellësi prej 1450 metra.
Kompania ENI deklaroi me këtë rast se ky vendburim përbën një zbulim historik për atë vetë dhe për Egjiptin, i cili ka siguruar kështu energjinë për shumë dekada të ardhshme. Zohr pritet të jetë një vendburim me rëndësi në shkallë botërore. Ai është më i madh se vendburimi tjetër i zbuluar në brigjet e Izraelit, i cili ka një kapacitet prej 680 miliard metra kub gaz.
