Një operacion i policisë së Kurbinit i koduar “Miloti” ka zbuluar një serë me bimë narkotike.
Kështu gjatë pasdites së djeshme, e mërkurë, kanë vijuar kontrollet në të gjithë territorin duke bashkëpunuar edhe me qytetarët.
Policia e Kurbinit pas informacioneve të marra në rrugë operative dhe punës hetimore të bërë si dhe gjatë kontrolleve të imtësishme të kryera për këtë qëllim, bëri të mundur gjetjen dhe shkatërrimin e një mini sere në territorin e banesës së shtetasit F.H., në Milot, në të cilën ishin mbjellë 295 fara kanabisi në kubikë.
Efektivët e policisë kanë bërë të mundur kapjen dhe arrestimin në flagrancë të F.H., 50 vjeç, banues në Milot, si kultivues i tyre.
Aktualisht policia e Kurbinit në bashkëpunim me Prokurorinë po vijojnë punën për dokumentimin e plotë ligjor të kësaj vepre penale, për identifikimin dhe arrestimin e personave të tjerë të implikuar në këtë veprimtari kriminale të tentativës për kultivim tê bimëve narkotike.
/a.rada
