Kur Michael Jackson në videospotin e këngës “Smooth Criminal” gjatë vallëzimit kishte bërë diçka të pabesueshme, të gjithë kanë pyetur si ia ka arritur. Lëvizja e tij e vallëzimit, kur ai lakohet me një kënd prej 45 shkallësh dhe nuk rrëzohet, një kohë të gjatë ishte një mister, transmeton zeri.info.
Mirëpo, tani ky sekret është zbuluar. Ai edhe gjatë koncerteve vazhdimisht e realizonte këtë veprim, duke e bërë të qartë se ky nuk ishte një mashtrim, pra nuk ishte i ngjitur në asgjë dhe askush nuk e mbante që mos të rrëzohej. Sekreti fshihej në këpucët që kishte mbathur.
Për Michael-in ishin punuar këpucë të posaçme, të cilat i kanë mundësuar që ta bëjnë këtë lëvizje të pabesueshme vallëzimi dhe prapë të mbetet në këmbë. Në vitin e largët 1992, këto këpucë i kanë patentuar Michael Jackson dhe Denis Tompson.
Sekreti qëndronte në take e cila arrinte t’i mbajë këmbët stabile, edhe gjatë lakimit ekstrem, shkruan më tej zeri.info. Këto këpucë vazhdimisht e kanë bërë punën e tyre, përveç në vitin 1996, kur njëri nga valltarët që e shoqëronte këngëtarin, ishte rrëzuar gjatë interpretimit, pasi kishte pasur një dëmtim të takes. Ne ju sjellim videospotin e këngës “Smooth criminal”, ku mund ta shihni lëvizjen e famshme të Michael-in.
