Kryetari i Bashkisë së kryeqytetit Erion Veliaj ka dhënë disa detaje të reja në lidhje me funksionin që do të marrë Piramida e Tiranës.
I ftuar në Koha për t’u zgjuar, Veliaj ka deklaruar se Piramida do të kthehet në një qendër të madhe arti. Sipas Veliaj, godina do t’i kthehet shumë shpejt publikut shqiptar
“Piramida do të kthehet në një qendër e madhe arti, qendër ekspozitash, do fokusohet tek artistët e rinj. Kemi punuar me arkitektë holandezë. Arkitektët janë në një proces detajimi, se do jetë e komplikuar.
Do ta rikonstruktojmë në këtë funksion. Kemi menduar edhe një lloj shkallare, për fëmijët që duan të rrëshkasin, se dashur pa dashur kjo i ka pëlqyer atyre. Do ketë dhe një kullë vrojtimi.
Projekti tjetër është kopshti zoologjik, fëmijët do kenë një hapësirë fantastike. Do jetë një xhevahir, do bashkohet me kopshtin botanik me një tunel, që tashmë është hapësirë e vdekur,” tha Veliaj në News24.
a.ç
