Pesë të arrestuar dhe 350 kg kanabis është bilanci i operacionit të policisë dhe prokurorisë së Beratit. Operacioni është kryer mesditën dhe mbrëmjen e të shtunës ku banorët e Corrushit dhe Malasit në zonën e Beratit në banesat e tyre janë gjetur duke situr lëndën narkotike.
Si provë material u janë gjetur dhe 13 sita artizanale të cilat përdoreshin nga të arrestuarit për përpunimin e lëndës narkotike.
Të arrestuarit janë Gazment Alikaj, Leonora Jaupaj, Flora Jaupaj, Olimbi Jaupaj, Irma Jaupaj.
Gratë e arrestuara sipas hetimeve punonin për llogari të Gazment Alikaj që e kishte kthyer banesën e tij në një laborator të përpunimit të kanabisit të tharë.
Njoftimi i policisë
Policia godet një rast të prodhimit dhe shitjes së lëndëve narkotike, arrestohen në flagrancë 5 shtetas
Policia e Fierit ka arrestuar në flagrancë shtetasit:
1.Gazment Allkaj, 24 vjeç
2.L.J., 41 vjeçe
3.F.J., 30 vjeçe
4.O.J., 47 vjeçe
5.I.J., 31 vjeçe.
Arrestimi u bë pas informacioneve operative se në banesën e shtetasit Allkaj ishte në proces përpunimi një sasi lënde narkotike kanabis.
Në banesën në fshatin Çorush është gjetur dhe sekuestruar në cilësinë e provës materiale rreth 349 kg lëndë narkotike, një pjesë në proces përpunimi.
Materialet proceduriale i kaluan Prokurorisë pranë Gjykatës së Shkallës së parë Fier për veprën penale “Prodhimi dhe shitja e narkotikëve”.
a.ç
