Autoritetet italiane kanë arrestuar personin e dyshuar si porositësin e vrasjes së shqiptarit Selavdi Shelaj, vrasje e ndodhur në 20 shtator 2020 në Itali.
Në pranga është vënë shtetasi Giuseppse Molisso. Ai akuzohet edhe për vrasjen e dy vëllezërve Costantino, ngjarje që tronditi zonën e Alessandrinos më 13 korrik 2021.
Ekzekutimi i Selavdi Shelajt u bë në breg të detit në zonën e Torvajanicës në shtator të vitit 2020. Sipas hetuesve, vrasja e Shelajt, i njohur si Simone, është bërë për shkaqe hakmarrëse, pas pritës së 14 nëntorit, tre vjet më parë, ndaj Leandro Bennato, subjekt që besohet se ishte i afërt me Molisso.
Me kërkesë të prokurorëve të DDA-së, policia ka dhënë një urdhër paraburgimi për Giuseppe Molisso. Autori është 40 vjeç dhe me origjinë napolitane, ndërsa rezulton tashmë i ndaluar edhe për një çështje tjetër kriminale.
/a.r
