Pas koalicionit të parë, LZHD dhe Djathtas 1912, një tjetër koalicion është bërë publik para zgjedhjeve të 11 majit.
Në një njoftim për mediat është bërë e ditur se forcat e reja, Nisma Thurje dhe Shqipëria Bëhet, shpallin nesër koalicionin për zgjedhjet e 11 Majit.
“Adriatik Lapaj, Endrit Shabani, Pano Soko, Dorina Prethi dhe drejtuesit e tjerë të këtyre lëvizjeve do të mbajnë nesër një konferencë për median”, thuhet ndër të tjera në njoftimin për mediat.
Më tej, theksohet se “ky nuk është thjesht një koalicion zgjedhor, por një lëvizje kundër korrupsionit dhe politikës së vjetër që e ka mbajtur Shqipërinë në tranzicion për 34 vite”.
