“Me të, qelizat e kancerit thjesht shkrihen”, shkruan gazeta ruse, “Russia Today”, për ilaçin e ri që studiuesit australianë e kanë gjetur pas shumë vitesh kërkime.
Pacientët me kancer tashmë do të jenë më të qetë. Hulumtuesit australianë kanë testuar një medikament që çon në përmirësim të kancerit dhe në shumicën e rasteve dhe në shërim të përgjithshëm.
“Medikamenti përmban një proteinë të veçantë që i ndihmon qelizat në sulmin kundër kancerit”, shkruan më tej gazeta, përcjell “Zëri”.
Ky ilaç është testuar në Melburn, Australi, për rreth 4 vite në 116 pacientë. Shkencëtarët thonë se ilaçi “Venetoclax” mund të zvogëlojë në një masë të madhe qelizat e kancerit në gjak.
Ndërkohë, në 79 për qind të rasteve, testi ka rezultuar pozitiv në pacientët që vuajnë nga leukemia kronike.
Ky është një lajm historik, pasi më në fund pas gati 3 dekadash kërkime, studiuesit arrijnë të shpikin një medikament efektiv.
