Agim Gashi, 35 vjeç, është autori i dyshuar i vrasjes së Elton javorit, 41 vjeç në Fier.
Ngjarja e rëndë ndodhi paraditen e sotme, 7 dhjetor, rreth orës 11:00 në lagjen “16 prilli”.
Javori u qëllua me pistoletë dhe u dërgua me urgjencë në spital, por nuk mundi që t’i mbijetonte plagëve të marra.
Policia sakaq, ka ngritur pika kontrolli në qytetin e Fierit dhe ka blinduar Vlorën në mënyrë që të bëjë të mundur arrestimin e Gashit.
Më herët, mediat siguruan edhe foton e makinës me të cilën u largua autori pas krimit.
Makina është tip Benz “E Class Coupe” me targa shqiptare. Motivi i ngjarjes është ende i paqartë për hetuesit.
/a.r
