Ndarja e Robert Berishës dhe Nora Istrefit pas 14 vitesh bashkë vijon të jetë një ndër lajmet më të komentuara të kësaj vere.
Ishte Roberti ai i cili deklaroi publikisht se nuk është më me Norën, ndërkohë aludimet për ndarjen e tyre pasuan njëra-tjetrën, ndonëse çifti nuk dha sqarime.
Sakaq, Roberti është vënë sërish në qendër të vëmendjes kohët e fundit. Pak ditë më parë në media u raportua se këngetari ka nisur një lidhje të re.
“Prive.al” zbuloi një foto të këngëtarit ku shfaqej i ulur në tavolinë me një vajzë tjetër, e cila thuhej se ishte e dashura e re e tij dhe bëhej fjalë për modelen nga Burreli, Jessica Kadiu.
Ndërkohë, nuk voni shumë dhe këngëtari publikoi vetë foto, ku bënte me dije projektin e tij të ri, pjesë e së cilit do të ishte edhe modelja në fjalë.
Mirëpo, nuk dha më shumë sqarime. Ndërkaq, n’ZOOM ka zbuluar disa foto ku tregon se kjo nuk është hera e parë që Roberti dhe Jessica kalojnë pushimet bashkë.
Ata janë kapur mat edhe herë të tjera nga i njëjti vend dhe gjithçka ka ndodhur para se të bëhej publike ndarja me Norën.
“N’ZOOM shkruan se lidhja e tyre ka nisur që në fillim të kësaj vere, megjithatë asgjë nuk është konfirmuar ende.(Newsbomb)/l.m
