Mateo Mesina Denaro, një prej bosëve të Mafias italiane që u arrestua javën e kaluar në Palermo, jetonte me të dashurën dhe kishte edhe një djalë të jashtëligjshëm.
Një njërën nga banesat në qytezën siçiliane të Kastelveltranos, ku ai fshihej 60-vjeçari u gjetën veshjet e një femre dhe sende të një djali të vogël që dyshohet se është i biri. Identitetet e tyre nuk bëhen të ditura, por detajet janë zbuluar si pjesë e hetimeve për të zbuluar më shumë informacione rreth jetës që ai ka bërë gjatë këtyre 30 viteve, që kur u shpall në kërkim. Atij i njihet zyrtarisht një vajzë nga një tjetër lidhje, me të cilën nuk është takuar kurrë.
Rezulton se në qytezat ku ka jetuar, ai përdorte edhe identitete të tjera të rreme, krahas Andrea Bonafedes, të cilin e përdorte vetëm për të kryer vizitat në spitale ku kurohej nga tumori. Personi që kishte identitetin e vërtetë Andrea Bonafede i kishte dhënë me qira një shtëpi në qytezën tjetër Kampobelo di Maxaro.
Mediat italiane bëjnë të ditur se në Shtator të vitit të kaluar, u arrestuan 35 persona të përfshirë në aktivitete mafioze, të cilët nga përgjimet rezulton se Mateo Mesina Denaron e dinin të vdekur, pas ndërhyrjes kirurgjikale zorrën ne trashë, në Nëntor 2020.
/a.r
