Zbulohet baza a prodhimit të tritolit dhe e armëve, arrestohet 67-vjeçari
Policia e Pogradecit ka zhvilluar një operacion ditën e sotme, i cili u finalizua me arrestimin e një 67-vjeçari nga Pogradeci. I arrestuari është Spiro Muçollari, 67 vjeç banues në Vërdovë të Pogradecit. Policia gjeti në banesën e tij sasi të konsiderueshme tritoli, armë zjarri dhe municione luftarake.
Kështu, sipas njoftimit zyrtar të Policisë së Shtetit, në banesën e Muçollarit u gjendën:
1 (një) armë zjarri, Automatik, model 56, kalibri 7.62 mm, me nr 0399083; 3 (tre) kallëpe lëndë plasëse tritol; 5380 copë fishekë model 56, kalibri 7.62mm; 2 (dy) armë të ftohta thika; 1 (një) çantë për mbajtjen e fishekëve,.
Ky shtetas akuzohet për veprat penale të prodhimit dhe mbajtjes pa leje të armëve luftarake dhe municione, si edhe prodhim dhe mbajtje pa leje të armëve të ftohta.
