Një varrezë e gjerë e lidhur me disa rrënoja që i atribuohen kulturës Shimao dhe që daton 4,000 vjet më parë u zbulua në qytetin Yulin, në provincën Shaanxi, në Kinën Veriperëndimore. Kjo u njoftua nga Instituti Krahinor për Arkeologjinë lokale.
Vendbanimi prej guri ku u gjet kompleksi i varrimit ndodhet rreth 60 kilometra në verilindje të Shimaos, bën të ditur “Xinhua”.
Varrimet e karakterizuara nga sakrifica njerëzore, veçanërisht të grave dhe sendet e gjetura në varret e zbuluara brenda vendbanimit, sipas Shao Jing, kreu i projektit gërmues arkeologjik të Zhaishan, pasqyrojnë karakteristikat dalluese të kulturës Shimao.
Sipas Shao, mbetjet e shtëpive me fasada të bardha-gri, bodrumet dhe varret vertikale të puseve të gdhendura në tokë sugjerojnë ndarjen e vendbanimit prej guri në zona funksionale.
Sipas arkeologut kinez, gërmimet ofrojnë një sërë të dhënash të rëndësishme për studimin e origjinës dhe zhvillimit të kësaj kulture që daton 4,000 vjet më parë.
