Një operacion masiv kërkimi është duke u zhvilluar për të gjetur nëndetësen me pesë persona në bord, e cila u zhduk të dielën në një udhëtim për të parë rrënojat e Titanikut.
Sonar kapi tingujt e goditjeve të martën gjatë kërkimit, duke treguar “shpresën e vazhdueshme për të mbijetuar”. Këtë e kanë bërë të ditur disa media, duke cituar komunikimet e qeverisë së Shteteve të Bashkuara.
Me zvogëlimin e furnizimeve ajrore të anijes, Roja Bregdetare e SHBA tha se zhurmat nënujore u zbuluan nga një avion kanadez P-3, duke nxitur zhvendosjen e burimeve për të eksploruar origjinën e tyre, por “kërkimet kanë dhënë rezultate negative”.
“Avionët kanadezë P-3 zbuluan zhurma nënujore në zonën e kërkimit. Si rezultat, operacionet ROV u zhvendosën në një përpjekje për të eksploruar origjinën e zhurmave. Këto kërkime ROV kanë dhënë rezultate negative, por vazhdojnë,” tha Roja Bregdetare në një postim në Tëitter.
“Për më tepër, të dhënat nga avioni P-3 janë ndarë me ekspertët tanë të marinës amerikane për analiza të mëtejshme, të cilat do të merren parasysh në planet e ardhshme të kërkimit.”
Në bord janë një miliarder britanik, një zhytës francez, një baba dhe bir pakistanez dhe themeluesi i kompanisë që drejton turneun, sipas postimeve në mediat sociale.
/a.r
