Vendimi për transferimin e dosjes së biznesmenit Orest Sota nga Krimet e Rënda në Rrethin e Elbasanit është marrë nga prokurorët Vladimir Mara dhe Dritan Prençi.
Nga informacionet e fundit, mësohet se çështja hetimore e Sotës do të shqyrtohet nga prokurorja e Elbasanit Erida Kokonozi.
Dy prokurorët argumentuan se kalimi i dosjes së Orest Sotës në Prokurorinë e Elbasanit u bë me arsyen se nuk ka të akuzuar për ‘’grup të strukturuar kriminal’’.
Sota u ndalua 1 vit e gjysmë më parë teksa në makinën e tij u gjetën dy patenta lundrimi të ish-ministrit të Brendshëm Saimir Tahiri dhe 863 mijë euro. Në janar të 2018, ai fitoi lirinë. /l.m
