Pas ngjarjes tragjike në të cilën Xhaferr Mata vrau ish-të dashurën 19-vjeçare XHljeta Çuni, Shërbimi për Çështjet e Brendshme dhe Ankesave po verifikon procedurat e ndjekura nga policia lidhur me mënyrën e trajtimit të çështjes pasi më herët ka pasur dneoncim nga vajza.
Raportohet se edhe 31-vjeçari ka bërë kundër-kallëzim.
SHÇBA po verifikon praktikën e ndjekur nga komisariati nr 3 për rastin pasi 1 muaj para vrasjes e reja kishte bërë këtë denoncim:
“Më datë 07.05.2018, u referuan materialet në Prokurorinë pranë Gjykatës së Shkallës së Parë Tiranë, për shtetasin XH.M, vjeç 31, banues në Tiranë, pasi në mënyrë të përsëritur, në kohë e vende të ndryshme, ka përndjekur ish të dashurën XH.Ç, vjeç 19. Neni 121/a i Kodit Penal ”.
Ndonëse Kodi Penal parashikon dënim nga gjashtë muaj deri në 4 vjet për veprën penale të përndjekjes, policia se ka parë të arsyeshme ta arrestojë Xhafer Matën duke e proceduar vetëm në gjendje të lirë.
Por ky i fundit për të lehtësuar pozitën e tij penale rezulton të ketë bërë një kundër kallëzim 2 javë pas denoncimit të Xhuljetës:
“Më datë 21.05.2018, u referuan materialet në Prokurorinë pranë Gjykatës së Shkallës Parë Tiranë, për shtetasen XH.Ç, vjeç 19, banuese në Tiranë, pasi me anë të mashtrimit, ish bashkëshortit XH.M, vjeç 31, banues në Tiranë, i ka marrë një shumë paundë. Neni 143 i Kodit Penal”.
Policia ka bërë një gabim në komunikatë duke e quajtur Matën “ish-bashkëshort”, kur n♪7 fakt ka qenë “ish-i dashuri”.
Burime nga uniformat blu thonë se për të dyja rastet që janë referuar në prokurori, organi i akuzës nuk ka deleguar asnjë detyrë për veprime të mëtejshme policisë./a.m.
