Hillary Clinton miratoi një plan gjatë garës presidenciale të vitit 2016, i cili synonte të njolloste kandidatin e atëhershëm Donald Trump duke e lidhur me ndërhyrjen ruse, me qëllim që të largohej vëmendja nga skandali në rritje që kishte vetë Clinton për email-et, sipas dokumenteve të sapo deklasifikuara të inteligjencës.
Dosjet, të publikuara të enjten, tregojnë se plani përfshinte “ngritjen e temës së ‘mbështetjes së Putinit për Trump-in’” dhe shtyrjen e opinionit publik drejt lidhjes së ndikimit politik rus me një ndërhyrje të mundshme në sistemet zgjedhore amerikane.
“Clinton miratoi një plan të propozuar nga një prej këshilltareve të saj për politikën e jashtme, Julianne Smith, për të ‘njollosur Donald Trump-in duke e theksuar skandalin e lidhur me ndërhyrjen nga shërbimet speciale ruse në procesin parazgjedhor, në mënyrë që të përfitonte kandidati republikan’,” thuhet në një prej memorandumeve, sipas citimit të Neë York Post.
Këto informacione u zbuluan nga prokurori i posaçëm John Durham gjatë një hetimi shumëvjeçar mbi operacionet e inteligjencës që rrethonin zgjedhjet e vitit 2016.
Prokurorja e përgjithshme Pam Bondi, drejtori i FBI-së Kash Patel dhe zyrtarë të tjerë të inteligjencës deklasifikuan materialet me kërkesë të senatorit Chuck Grassley (R-Ioëa).
“Sipas dokumenteve të përgatitura nga Durham, FBI-ja gjatë presidencës Obama dështoi të shqyrtonte dhe hetonte në mënyrë të duhur raportet e inteligjencës që tregonin se fushata e Clinton mund të ketë fabrikuar narrativën e rreme Trump-Rusi për përfitime politike të saj, gjë që më pas u bë realitet përmes dosjes Steele dhe mjeteve të tjera”, tha Grassley.
“Këto raporte të inteligjencës dhe dokumente të lidhura me to, qofshin të vërteta apo jo, janë fshehur për vite me radhë. Historia do të tregojë se agjencitë e zbatimit të ligjit dhe të inteligjencës të administratës Obama dhe Biden janë përdorur si armë politike kundër Presidentit Trump”, shtoi ai, sipas Neë York Post.
Kjo ndodh pak kohë pasi Departamenti i Drejtësisë i SHBA mori zyrtarisht më 22 korrik një kallëzim penal nga ish-kongresistja dhe ish-drejtoresha e inteligjencës kombëtare, Tulsi Gabbard. Ajo akuzoi zyrtarë të lartë të administratës Obama për përfshirje në një “komplot tradhtie” që synonte të minonte fitoren zgjedhore të Trump-it në vitin 2016 dhe të vinte në dyshim integritetin e procesit demokratik.
Gabbard publikoi mbi 100 faqe dokumente të brendshme, për të cilat thotë se zbulojnë përpjekje të qëllimshme të zyrtarëve të epokës Obama për të shtypur informacionin e inteligjencës që nuk përbënte kërcënim, në javët e fundit të presidencës së tij.
