Ndërsa po vazhdojnë thashethemet rreth celularit të ri që Apple do ta lançojë më 2017 – një celular ky që do të mund të quhet iPhone 8 – CEO i Sharp, Jeng-wu Tai ka konfirmuar se gjenerata e re e iPhone do të ketë një ekran OLED.
“iPhone ka evoluar dhe tani është duke kaluar nga panelet LTPS në ato OLED”, tha Tai gjatë një ngjarjeje në Universitetin Tatung këtë vikend.
Thashethemet se Apple do të braktisë panelet LCD në favor të atyre OLED në iPhone 8 nuk janë diçka të reja, por konfirmimi i Tai e bën këtë edhe më të besueshme, transmeton Gazeta Express.
iPhone 8 pritet që të sjellë ndryshimin më të madh në iPhone deri më tani. Sipas një numër burimesh në internet, iPhone 8 do të ketë ekran të lakuar në skaje me një buton dhe senzor të ID të futur në ekran./a.m.
