Sipas informacioneve fillestare të policisë austriake, te viktimat u gjetën dokumente siriane të udhëtimit që sugjeron se ata po iknin nga lufta në Siri. Policia gjeti edhe telefonë dhe SIM kartatela që gjithashtu do të kontrollohen. Kamioni me refugjatët e vdekur u gjet pranë Parndorfit, pranë kufirit hungarez. Brenda u gjetën trupat e 59 burrave, 8 grave dhe 4 fëmijëve, prej të cilëve një vajzë nga një deri në dy vjet dhe tre djemtë e moshës 8 deri në 10 vjet.
AFP raporton se sipas policisë hungareze, refugjatë hynë në kamion pranë qytetit hungarez Kecskemet, njëqind kilometra në veri të kufirit me Serbinë dhe ata arritën në Hungari nëpërmjet Serbisë dhe ndoshta Maqedonisë. Hetimi kërkon të zbulojë identitetin e viktimave me anë të shenjave të gishtërinjve të tyre dhe të ADN-së. Fytyrat e tyre, policia thotë se nuk janë fort të njohur, sepse trupat u gjetën në një fazë të avancuar të kalbëzimit.
Policia hapi një linjë telefonike për ata që mendojnë se viktimat mund të kenë të dashurit e tyre. Numri +43 59133 3333 10 është i hapur 24 orë dhe mund të bisedoni me përkthyesit të angazhuar. Të shtunën ishte bërë një autopsi në Vjenë për të përcaktuar kohën e saktë të vdekjes së tyre. Raporti i autopsisë ende nuk është publikuar, por sipas policisë, raporton AFP, viktimat ishin ngufatur dhe vdiqen një apo dy ditë para se trupat e tyre të zbulohen nga policia.
Dyert e kamionit ishin mbyllur dhe lidhur me kabllo. Viktimat ishin njëri mbi tjetrin në një hapësirë prej 15 metra katrore.
Policia ka bërë përpjekur për të gjetur nëse sistemin i ftohjes nuk ka lejuar në kamion për të hyrë ajri. Kamioni i përkiste një kompanie sllovake me regjistrim hungarez dhe ishte raportuar të jetë në pronësi të një prej katër të arrestuarve nga policia hungareze.
Bëhet fjalë për tre bullgarë dhe një afgan. Policia mendon se këta të dyshuar, të cilët kanë 30 dhe 40 vjet, janë ata që kanë zbatuar urdhërat e një bande të trafikantëve të njerëzve që fitojnë dhjetëra-mijëra euro nga transportimin i refugjatëve në Evropë. Pas përfundimit të autopsisë, viktimat do të varrosen afër vendit ku ata u gjetën në Austri. Katër të dyshuarit ishin paraqitur në një gjykatë në Kecskemet dhe janë futur në paraburgim që mund të zgjatë deri më 29 shtator. Prokurori kërkoi që katër të dyshuarit të mbeten në paraburgim për “natyrën e veçantë” të krimit për të cilën dyshohen. Austria mund të kërkojë ekstradimin e tyre.
Ndryshon ligji për luftën në Japoni
Mijëra qytetarë të Japonisë kanë protestuar para parlamentit, kundër ligjit të ri, i cili lejon trupat ushtarake japoneze të marrin pjesë në luftime jashtë vendit të tyre, transmeton “BBC”. Ky ndryshim u mundëson ushtarëve japonezë të luftojnë jashtë për herë të parë prej Luftës së Dytë Botërore. Ligji veç është kaluar nga dhoma e ultë e parlamentit dhe pritet të miratohet edhe nga dhoma e lartë. Sipas kushtetutës, Japonia mund të përdorë forcë për të zgjidhur ndonjë konflikt vetëm në rast të vetëmbrojtjes. Por tani me interpretimin e ri të ligjit, lejohet “vetëmbrojtja kolektive”, që i bije se japonezët mund të aktivizohen ushtarakisht edhe për aleatët e tyre.
