Patrullimet e forcave “Shigjeta” të policisë së Tiranës kanë zbuluar dy raste të përdorimit dhe shpërndarjes së lëndëve narkotike.
Në rrugën Jordan Misja, efektivët e policisë pranë një lavazhi në afërsi të shinave, dy persona të cilët sapo konstatuan prezencën e policisë bënë lëvizje të dyshimta.
Gjatë kontrollit të dy të arrestuarve, R.N. dhe B.Rr., policia nuk gjeti sende të kundraligjshme por tek ambienti ku qëndronin gjetën 258 doza kokaine dhe 8 doza hashash.
Nga kontrolli tjetër pranë spitaleve, policia konstatoi një person të dyshimtë i cili sapo pa efektivët u largua me vrap dhe u fut menjëherë në një ndërtesë të braktisur.
Brenda kësaj banese policia gjeti nëntë persona të cilët po konsumonin lëndë narkotike heroinë. 15 dozat u sekuestruan nga policia, ndërsa nëntë konsumuesit e lëndës narkotike u shoqëruan në polici.
