Policia e Tiranës në bashkëpunim me atë të Durrësit kanë zhvilluar një aksion të gjerë antidrogë, duke zbuluar një tunel me drogë në zonën mes Fushë Prezës dhe Valiasit. Menjëherë pas zbulimit të 146 kg drogë dhe 220 bimë kanabis, mësohet se do të merren masa ndaj oficerëve të policisë që mbulojnë këtë zonë.
Në një dalje për media, drejtori i Drejtorisë Vendore të Policisë Tiranë, Ardi Veliu, zbardhi detaje të operacionit ‘Muzgu’, në kuadër të të cilit kanë rënë në pranga 7 persona dhe po procedohen 10 të tjerë.
