Punëtorët në një pjesë të zonës historike të qytetit Kebek, gjetën një gjyle topi, ende në gjendje pune, që u hodh nga britanikët, gjatë një rrethimi në vitin 1759.
Duke mos e ditur që gjylja e madhe mund të plaste ende, ata bënë edhe foto me zbulimin e rrallë, madje duke vendosur edhe datën e lëshimit të saj, transmeton Tch.
Bëhet fjalë për kohën kur britanikët luftonin kundër francezëve, për kontrollin e Kanadasë dhe gjylja e gjetur u lëshua gjatë rrethimit të qytetit të Kebekut, në betejën e famshme të luginave të Abrahamit.
Në Evropë është e zakonshme të gjenden ende predha të Luftës së Dytë Botërore, të pashpërthyera, por zor se ekspertët mbajnë mend gjetjen e ndonjë gjyleje të thuajse 3 shekujve më parë, ende në gjendje pune.
Ekspertët e ushtrisë kanadezë, që mbërritën në vendngjarje, thanë se ende ekzistonte rreziku që ajo të plaste, ndërsa punëtorët falënderuan fatin e tyre të mirë që nuk e lëvizën nga vendi.
Sipas xhenierëve të ushtrisë, shekujt e kaluar nën tokë kanë bërë që lagështira të hyjë brenda gjyles, por baruti ende mund të ndizet.Për statistikë, ekspertët thanë se pavarësisht kësaj gjyleje të pashpërthyer, britanikët mundën që ta fitonin betejën për Kebekun, katër vjet pas hedhjes të saj. (b.an)
