Zbulimi / Edhe Shakespear bëhesh llullë me drogë
Edhe ky paska tymosur dhe s’mund të ndodhte ndryshe. Shkencëtarët e Afrikës së Jugut kanë zbuluar se në llullat e duhanit të gjetura në oborrin e të famshmit William Shakespeare përmbajnë kanabis, për të dhënë shenja se dramaturgu britanik gjysmën e veprave të tij i ka shkruar derisa ishte i “qejflisur”.
Llullat 400-vjeçare të zbuluara në oborrin e tij, janë analizuar në Pretoria, duke përdorur një teknikë të sofistikuar, raportojnë mediet angleze. Në këto llulla është zbuluar kanabisi në tetë raste, katër prej të cilave që janë zbuluar në oborrin e Shakespearet.
Në dy llulla tjera është gjetur kokainë, por ato nuk janë zbuluar në pronën e shkrimtarit anglez, shkruan The Telegraph. Shakespeare nëpër sonetet e tij përmend se është i familjarizuar me efektet e këtyre drogave, transmeton Koha.net.
Në sonetin e 76-të, ai shkruan për “zbulimin e një bari të mirë”, e cila mund të interpretohet si përdorim i “barit” ose kanabisit, derisa ishte duke shkruar veprat e tij të famshme. Në të njëjtin sonet ai duket se nuk preferon të përdor “përzierje të çuditshme”, që mund të interpretohet si, “droga të panjohura” (ndoshta kokaina).
