Qyteti kinez i Wuhanit, aty ku filloi pandemia e koronavirusit duket se po shërohet tërësisht pasi nga përditësimet e orëve të fundit nuk është regjistruar asnjë rast i ri.
Lajmi është bërë i ditur nga autoritetet shëndetësore të vendit.
“Lajmi i fundit është se më 26 prill, numri i pacientëve me koronavirus në Wuhan ka qenë zero, falë përpjekjeve të përbashkëta të stafit mjekësor”, tha zëdhënësi i Komisionit të Shëndetit Kombëtar të Kinës, Mi Feng.
Këtë e konfirmoi një zyrtar shëndeti në një konferencë për gazetarët të dielën duke deklaruar se Kina ka përdorur metoda të ndryshme trajtimi për pacientët.
Wuhani ka raportuar 46,452 raste me koronavirus, të cilat janë 56% e shifrës totale në Kinë dhe 3 mijë e 869 viktima.
Qyteti vazhdon t’i testojë banorët, pavarësisht daljes nga izolimi.
/a.r
