Janë tre objektiva kryesore që synohet të arrihen nga plani i qeverisë për të luftuar evazionin, që fillojnë nga pastrimi i bizneseve jo aktive, identifikimin e të paregjistruara, identifikimin e kompanive që bëjnë evazion e deri te përdorimi i kasave e lëshimi i kuponave tatimorë.
Objektivi 1
Puna për të siguruar që çdo subjekt i çregjistruar në QKR të çregjistrohet menjëherë nga regjistri i DPT-së bazuar te marrëveshja e bashkëpunimit me QKR-në. Çregjistrimi nga SIT në masën 90%, i subjekteve që janë çregjistruar në QKR.
Verifikimi i tatimpaguesve që nuk kanë paraqitur deklarata tatimore 1-2 vjet dhe kalimi nga regjistri aktiv në atë pasiv. Kalimi në regjistrin pasiv të të gjitha subjekteve që plotësojnë kushtet në masën 90%. Realizimi i këtij objektivi do të jetë në vazhdimësi nëpërmjet bashkëpunimit ndërmjet drejtorive dhe sektorëve të ndryshëm të tatimeve, të cilët kanë fushën e veprimit të lidhur me këtë objektiv në funksionimin e tyre.
Nxjerrja e një liste të tatimpaguesve që janë pasivë mbi 2 vjet por më pak se 5 vite, verifikimi i statusit të tyre dhe heqja e subjekteve pasive nga regjistri i subjekteve aktive. Evidentimi i nevojave dhe propozimet e vlefshme për ndryshimet ligjore, sipas praktikës së administratës dhe kërkesave të organizatave të biznesit përgjatë 6-mujorit të parë 2014.
Verifikimi dhe kontrollimi i të gjitha kërkesave të reja për regjistrim si subjekt me TVSH. Të sigurohet që të regjistrohen vetëm bizneset që duhet të regjistrohen. Identifikimi i shoqërive që bëjnë evazion tatimor përmes krijimit të shoqërive të reja dhe gjetja e pronarëve të vërtetë të biznesit.
Të kërkohen, të regjistrohen dhe të merren deklaratat e atyre tatimpaguesve që ushtrojnë aktivitet në ekonominë informale.
Të rritet niveli i informimit të tatimpaguesve për të gjitha proceset e deklarimit dhe pagesës së detyrimeve tatimore, kryesisht në momentin fillestar të regjistrimit. Kjo do të ndikojë si një masë parandaluese për rritjen e mosdeklaruesve dhe krijimin e debitorëve të rinj.
Zhvillimi i burimeve të të dhënave nga të tretët për të zbuluar bizneset e paregjistruara dhe identifikimi i individëve të pasur.
Verifikimi dhe analizimi i aktiviteteve për të njohur dhe për të trajtuar riskun e deklarimit dhe pagesës, sipas kodit ekonomik. Do të konsiderohen si një risk, bazuar mbi nivelin e përmbushjes për të marrë paraprakisht sqarimin e nevojshëm për detyrimet tatimore.
Alokimi i burimeve të duhura financiare dhe njerëzore, për të mundësuar arritjen e objektivave sipas prioriteteve edhe për këtë segment tatimpaguesish.
Objektiv 2:
Ngushtimi i evazionit të akcizës me efekt rritje cilësore e të ardhurave për buxhetin
Arsyeja dhe synimi: Niveli i evazionit të akcizës është rritur në nivele të larta në dy vitet e fundit, sipas statistikave fiskale. Një nga rrugët më efektive të përmirësimit të performancës së doganave është të përmirësohet cilësia e përzgjedhjeve të rasteve me qëllim që vëmendja e stafit të përqendrohet te tatimpaguesit e akcizës, që paraqesin riskun më të lartë për të arritur efektin maksimal. Modeli i riskut do të përdoret për të identifikuar grupe të veçanta të tatimpaguesve që karakterizohen nga lloje qëndrimesh të përbashkëta. Çdo grup do të trajtohet më vete sipas projekteve të veçanta. Brenda secilit grup, do të shikohen me përparësi tatimpaguesit me qëndrimin më të keq ndaj të ardhurave të akcizës.
Masat antievazion (ndikuese të arritja e rezultatit)
Gjatë kohës së përmbushjes të këtij objektivi, do të zbatohen, do të rishikohen dhe do të përshtaten çdo vit, procesi i mëposhtëm prej katër hapash:
Hapi 1. Identifikimi i biznesit dhe segmente të tjerë të tatimpaguesve që paraqesin riskun më të lartë në drejtim të evazionit të akcizës.
Hapi 2. Përcaktimi i ndërhyrjes së duhur bazuar në risqet e identifikuara në Hapin 1. Grupe të ngjashme do të kenë trajtim të ngjashëm.
Hapi 3. Analizimi dhe vlerësimi i rezultateve të ndërhyrjeve në hapin 2 dhe pasqyrimi i tyre në Modelin e Riskut.
Hapi 4. Vlerësimi i rezultateve në tërësi dhe përshtatja e modelit për vitet e ardhshme.
Përmirësimi i kapacitetit të analizës së riskut dhe përdorimi maksimal i ekspertizës nga punonjësit e Croën Agents
Përdorimi më i madh i informacionit nga të tretët, me fuqizim të teknologjisë së informacionit në DPD në funksion të profilimit të riskut dhe kontrollit.
Profilizimi dhe zbatimi i kontrolleve me projekte tematike në bazë të risqeve specifike në mallra dhe tatimpaguese duke alokuar burimet e duhura financiare dhe njerëzore.
Mbledhja e gjithë detyrimeve të akcizës të papaguara; Së pari, do ta përqendrojmë punën në mbledhjet e akcizës brenda afateve, për të parandaluar krijimin e detyrimeve të prapambetura që u përkasin dy viteve të fundit; Së dyti, do të zbatojmë metoda dhe procedura të reja për ta ulur sistematikisht nivelin e borxhit të vjetër.
Ftesa e vazhdueshme dhe komunikimi me qytetarët për denoncimin e rasteve të përdorimit të mallrave pa pullën e akcizës.
Mbajtje qëndrimi të ashpër për të gjithë rastet e mosveprimit dhe evidentimit të shpërdorimit të detyrës me pasojë dëm në buxhet dhe tregun vendor.
Objektiv 3
Ngushtimi i pabarazisë në përdorimin e kasave fiskale në gjithë segmentet e bizneseve
Arsyeja dhe synimi: Situata e përdorimit të kasave fiskale është në nivelet afër 30% me një tregues të theksuar të mospërdorimit, veçanërisht nga segmenti i biznesit të vogël. Nëpërmjet angazhimit të administratës tatimore në bashkëveprim me tatimpaguesit tentohet të arrihet efekt i lartë midis komunitetit të tatimpaguesve, duke përmirësuar përmbushjen vullnetare të zbatimit të ligjit, si dhe duke treguar forcën e ligjit për mospërdoruesit, duke synuar të krijojmë sigurinë te tatimpaguesit se të gjithë janë njësoj përpara ligjit.
Masat antievazion (ndikuese tek arritja e rezultatit)
Moslejimi dhe konfiskimi i gjithë programeve kompjuterike të pafiskalizuara dhe që dublojnë kasat fiskale.
Organizimi i kontrolleve të terrenit nëpërmjet përdorimit të profilit të riskut, duke u bazuar te baza e të dhënave të DPT dhe burime informacioni nga të tretë; riformatimi i monitorimit dhe tregut të operatorëve që tregtojnë dhe mirëmbajnë kasat fiskale.
Organizim i pandërprerë i sensibilizimit dhe ftesës për ndihmë dhe bashkëveprim me qytetarët duke e koordinuar me veprime të tjera nxitëse.
Organizimi i lotarisë kombëtare të kuponëve tatimorë që është pjesë e motos “Për progresin e vendit tim”.
Monitor
