Mediat italiane raportojnë se politikani i Lega Nord, Franco Colleoni është vrarë nga djali i tij 34-vjeçar. Karabinierët kanë arrestuar Francesco Colleonin, teksa më herët babai i tij 68-vjeçar u gjet i vrarë në oborrin e banesës së tij.
Sipas mediave italiane ngjarja ka ndodhur pas një konflikti me të birin Francesco, me të cilin kishte konflikte të shpeshta për shkak të restorantit në pronësi të familjes së tyre.
Babai dhe djali janë konfliktuar për hapjen e restorantit dhe janë përleshur me njëri-tjetrin. I biri e ka rrahur të atin, ndërsa i ka goditur kokën disa herë në një gurë. Kjo ka sjellë edhe vdekjen e 68-vjeçarit, sipas autoriteteve.
Gjatë natës, i arrestuari pranoi konfliktet me babanë e tij, por u shpreh se nuk mbante mend asgjë për ngjarjen. Franco Colleoni ishte sekretar i Lega Nord në Bergamo për 5 vite
Ndërsa Francesco Colleoni, u dërgua në burgun e Bergamos në dispozicion të autoriteteve gjyqësore.
/a.r
