Zbardhen detaje nga rrëzimi avionit në Pakistan, me 48 persona në bord nga të cilët u tha se nuk ka të mbijetuar.
Mediat e huaja raportojnë sot lidhur me komunikimin e fundit të pilotit të avionit PK-661, që u rrëzua në fshatin Bodlain në krahinën e Havelianit.
Piloti gjatë fluturimit iu ka thënë kontrollorëve ajror se motori i aeroplanit ka probleme, njofton Aviokompania Ndërkombëtare e Pakistanit (PIA).
Pak para se të humbiste kontaktin me kontrollorët e aeroportit, piloti ka lëshuar alarmin, ka thënë shefi i PIA-së, Muhmmad Azam Saigol, më 7 dhjetor, raporton Rel.
Aeroplani i rrëzuar rreth 70 kilometra në veri të Islamabadit, fluturonte nga qyteti verior, Chitral për në kryeqytet.
Të gjithë, 47 personat në bordin e aeroplanit e kanë humbur jetën, njofton PIA, ndërsa hetimet për arsyet e rrëzimit po vazhdojnë.
Saigol njofton se është gjetur pajisja që regjistron të dhënat e aeroplanit.
Ai ka thënë se aeroplani i prodhuar para nëntë vjetësh është konsideruar “teknikisht në rregull” kur është inspektuar herën e fundit në muajin tetor.
Autoritetet kanë thënë se mbetjet mortore të pasagjerëve janë dërguar në spital për t’iu kryer teste të ADN-së dhe për identifikim./a.m.
