Në kuadër të ligjit të dekriminalizimit, Kreu i Bashkisë së Kavajës Elvis Roshi, ashtu si çdo zyrtar dhe punonjës i republikës, ka qenë i detyruar të dorëzonte një formular të vetëdeklarimit.
Në këtë formular, pyetjes se nëse ai është arrestuar ndonjëherë i përgjigjet me po, por ajo që është e çuditshme është fakti se arsyet e arrestimit nuk i kujtohen.
Kryebashkiaku shkruan se ai ka qenë i arrestuar dhe i proceduar më parë në Mynyh të Gjermanisë, ku ndaj tij ishte caktuar dhe masa e sigurisë ‘Arrest me burg’, ndërsa në kuadratin ku jepen detaje ai ka shkruajtur “Nuk me kujtohet”.
Ndër të tjera ai ka theksuar se autoritetet gjermane e kanë përzënë atë nga shtetit i tyre. Ndërkohë, Partia Demokratike ka akuzuar Roshin si person me precedentë penalë i dënuar më parë për drogë dhe prostitucion në Itali. Javanews/ a.k
