“Dyshoja se po më qëllonin nga shpati i malit”. Kështu e ka justifikuar nisjen e luftës me policinë, David Qosaj. Burime nga prokuroria bëjnë me dije se autori i vrasjes së efektivit Ardian Kodra vuan nga çrregullime të personalitetit.
Nga kontrolli i bërë në banesën e Qosajt pas arrestimit të tij, ekspertët kanë gjetur edhe diçka të dyshimtë. Bëhet fjalë për përmendoren e të vëllait të vdekur pak vite më parë.
Hetimi ka zbardhur edhe dinamikën e vrasjes së Kodrës. Ai është qëlluar pranë zemrës, në sqetullën e majtë. David Qosja mbajti dje për orë të tëra nën terror fshatin Torovicë të Lezhës ndërsa u neutralizuar nga efektivët e FNSH-së.
Ndërkohë, pas krehjes së zonës policia ka konfirmuar se askush nuk ka qëlluar drejt Qosajt, i cili ndodhej i vetëm në banesë./r.a
Dinamika pas njoftimit për të shtëna në ajër:
“Menjëherë në vendngjarje kanë mbërritur forcat policore të Drejtorisë Vendore të Policisë Lezhë, në mbajtjen nën kontroll të situates deri në ardhjen e forcave të specializuara të policisë pasi Qosja njihej në komunitet si person me probleme mendore por nuk ka të dhëna akoma të konfirmuara zyrtarisht. David Qosaj, ishte mbyllur brenda në banesen e tij dhe po hapte zjarr kundër policisë.
Në vendngjarje, ka mbërritur F.N.Sh-ja , për mbështetje ku gjatë shkëmbimit me armë zjarri me shtetasin David Qosaj, ka mbetur i vrarë punonjësi policisë i F.N.Sh-së, Ardian Kodra 47 vjeç, banues në Shkodër.
Për shkak të rrezikshmërisë së autorit të krimit, në vendngjarje kanë mbërritur edhe Forcat e RENEA-s, ku pas një operacioni, u arrit që shtetasi David Qosaj të neutralizohej dhe të kapej .
Në cilësinë e proves materiale u gjet dhe sekuestrua një armë zjarri automatik model 56 me dy krehëra fishekësh.
Materialet procedurale u referuan Prokurorisë së Rrethit Gjyqësor Lezhë për vepren penale “Vrasje e punonjësve të policisë së shtetit ” dhe ” Prodhim dhe mbajtje pa leje e armëve luftarake dhe municionit”.
