Zbardhet agjenda e folësve në Kuvendin Kombëtar të Partisë Demokratike, të thirrur nga grupi i “Rithemelimit”. Punimet do t’i udhëheqë deputeti Belind Këlliçi, ndërsa do të thonë fjalën e tyre aktorë të të gjithë brezave në kampin demokrat.
Fillimisht, për të gjithë pjesëmarrësit do të prezantohet një dokumentar, që tregon rrugëtimin e liderit historik Sali Berisha nga shpallja e tij ‘non grata’ prej SHBA deri në përjashtimin nga PD më 9 shtator 2021.
Në dokumentar përmblidhen deklarata e Departamentit Amerikan të Shtetit, dalja e parë e Sali Berishës pas këtij vendimi dhe qëndrimi i Lulzim Bashës. Fjalën hapëse të Kuvendit do ta mbajë Lediana Fratari, e cila do të ketë një videomesazh me të rinjtë e PPE.
Numri i delegatëve të Kuvendit Kombëtar është reduktuar me vendim të Kuvendit të 11 dhjetorit 2021, duke qenë se në kohën e Lulzim Bashës numri i anëtarëve ishte rreth 7 mijë.
Tkurrje do të ketë edhe Këshilli Kombëtar i PD-së. Nga rreth 470 anëtarë që kishte në kohën e ish-kryetarit Basha, delegatët tashmë do të zgjedhin 150 dhe do të votohen po nga delegatët për një ndryshim statutor, që në Këshillin Kombëtar të jenë pjesë edhe kryetarët e degëve të PD-së, gjithashtu edhe deputetët.
Ja axhenda e kuvendit, lista e folësve
-Lediana Fratari
-Belind Kellici hap punimet e Kuvendit
-Arben Imami
-Bardh Spahia
-Artan Hoxha
-Jozefina Topalli
-Belind Kellici prezanton ndryshimet statutore
-Edi Paloka
-Deputet britanik
-Oerd Bylykbashi
-Evi Kokalari
-Agron Shehaj
-Fatbardh Kadilli
-Aldo Bumçi
-Rudina Hajdari
-Sali Berisha (pritet të flasë në mesditë, rreth orës 13.00)
/a.r
