Një i huaj bujar në Nottingham ka shpërndarë zarfe të mbushura me para në mënyrë anonime nëpër kutitë postare të njerëzve.
Zarfat i dërgoheshin familjeve në mënyrë të rastësishme në të gjithë lagjen e Clifton të premten, më 23 Dhjetor dhe sipër zarfit shkruhej “një akt i rastësishëm bujarie”. Çdo zarf përmbante 100 Pound.
Sarah Lynne pati fatin të merrte një zarf dhe infermierja tha se ishte e habitur nga akti i sjellshëm.
Ajo tha për Metro: “Ishte djali im që zbuloi i pari zarfin, ai erdhi me vrap drejt meje në fillim duke bërtitur “a është nga babagjyshi? “Më dha zarfin dhe unë u trondita të them të drejtën. Gjëra të tilla nuk më kanë ndodhur kurrë. Kushdo që e bën këtë është një hero i fshehtë dhe ka një zemër të mirë.
Një tjetër banor i Clifton, Peter Dennis, tha për Metro se gruaja e tij gjeti zarfin me para ndërsa ai ishte jashtë shtëpisë dhe se ky gjest kaq i sjellshëm e preku atë teksa po kalonte një kohë të vështirë.
Ky akt bujar duket se po bëhet disi një traditë në këtë zonë. Zarfa të dorëzuara në mënyrë anonime të mbushura me para janë shfaqur në postat e njerëzve edhe në vitin 2020,2021.
/a.r
