Nga Frrok Çupi
Ajo shkoi sot paradite, fatmirësisht shëndosh e mirë, jo si Luigj Gurakuqi që ‘na e vranë e na e shanë” në sy të Fan Nolit. S’kemi pse e fshehim se Yuri Kim mund të kishte shkuar më parë, madje edhe e mbështjellë me flamurin amerikan. Mirëpo duhej të ishte një kohë tjetër, për shembull duhej koha kur ishte Sali Berisha i fortë. Në atë kohë, kur u vranë 3000, të pa emër veçse ishin nga Jugu, si të mos qëllohej Yuri Kim- kundërshtarja më e egër e pushtetit të pistë të Sali Berishës?!
I vetmi shqiptar, le të mos e themi ‘president shqiptar’ Berisha, ka tentuar të vrasë diplomatë amerikanë në Tiranë. Dëshmia e rojës së tij personale se si e urdhëroi që të qëllohej me tanke ambasada amerikane në Tiranë, në mes të rebelimit të grushtit të shtetit në 14 shtator 1998, thjesht ka ngjallur kujtesën e një ngjarjeje. Ngjarje të tjera, që nuk janë treguar, me diplomatë amerikanë, dëshmojnë se si gjurmoheshin nga ‘lacat’ e Berishës për t’u ekzekutuar…
Yuri shkoi, hipi në avion, la këtu kontributet e mëdha dhe zemrën…, por nuk la çfarë la Luigj Gurakuqi. Atë e ekzekutuan, ‘me tre plumba na e vranë”, dhe ‘na e shanë…, na i thanë tradhëtor’.
Nuk ka grua në botë që të jetë sharë aq keq e aq shumë sa Yuri kim nga Sali Berisha dhe nga lacat. Sa e kanë sharë e sa e kanë ëndërruar, herë guvernatore, herë hajdute e herë prostitutë. Ëndrra e fundit e Saliut ishte më perversja e botës; ta shikonte vetëm një sekondë Yurin të zhveshur e ta përdhunonte me sy dhe me një aparat fotografik.
Vetëm kështu Saliu do të qetësohej e do ta linte të shkonte qetësisht. Në vend të Yurit, Saliu mori një tjetër grua si kadavër, e futi në zyrë dhe e çnderoi me të gjithë kuptimin e fjalës. “Ik tani!’, i tha sapo kreu punë. Gruaja u nis drejt Kukësit, sipas urdhrit të perversit Sali, dhe solli një video seksi nga një burrë që ende nuk ka arritur në gjendjen e rëndë të Berishës.
Skandali i Kukësit me një grua kadavër të Berishës, është veçse një kopje e keqe e ëndrrës së Berishës ndaj Yuri Kim. Asgjë më ndryshe.
Yuri Kim mbeti një dashuri dhe shpëtim për këtë vend ku jeton edhe Saliu me lacat. Ajo, përfaqësuese e Shteteve të Bashkuara, i dha më shumë kuptim lirisë dhe të drejtës në këtë popull të vuajtur në dy regjime radhas: regjimin e Hoxhës dhe të Berishës.
Kryeministri i vendit, Edi Rama, në momentin që përcillte Yurin, mundësisht jo andej nga Brraka, dha një njoftim që nuk e di sa shumë njerëz e kapën. Kryeministri tha se në atë moment ‘një avion po zbret nga Brukseli në Rinas dhe po sjell ambasadorin e ri të Shteteve të Bashkuara”.
Jetojmë në një kohë të egër pasigurie, kur kryetari i qeverisë detyrohet të ndjekë në ardhje avionin në qiell dhe të njoftojë popullin e vet se ‘nuk je vetëm, ambasadori i ri zbriti”. Kjo është pesha e vërtetë e ambasadores Yuri Kim, por është edhe lajmi pos saj.
Zbritja e ambasadorit të ri bash në minutën kur largohet i pari (Kim- në këtë rast), është hera e parë që ndodh të njoftohet në histori. Në këtë vend ku dy ish presidentë kanë thurur një komplot kundër Amerikës, (edhe kjo është hera e parë në historinë tonë) nuk mund të krijohet as pikë boshllëku. Një pikë boshllëku po të krijohet, këta përdhunojnë me sy Amerikën dhe e nxjerrin në pazarin mes SHQUP-it dhe Kukësit.
Këta nuk e kanë ‘mallin’ për vete; dikush tjetër i ka përdhunuar dhe pret t’ u shpërndajë videon… Nëse nuk veprojnë, atëherë punë e tyre bëhet më keq se muxhahedin. Rusia nuk mund t’ i falë nëse nuk e shfrytëzojnë boshllëkun e ambasadorit amerikan.
Ndryshe po ndodh këtu afër nesh, në Kosovë. Aty kryeministri ndjek vetëm avionët që largohen me të ardhurit nga Amerika; pa është ashtu aty.
