Ambasadorja e Shteteve të Bashkuara të Amerikës, Yuri Kim ka publikuar një mesazh urimi drejtuar shqiptarëve me rastin e 110 vjetorit të Pavarësisë.
Diplomatja amerikane vlerëson kontributin e Shqipërisë në 100 vjet marrëdhënie diplomatike me SHBA dhe shprehet se është krenare për një aleat të tillë..
“Në emër të Shteteve të Bashkuara të Amerikës, është nderi im të uroj popullin e Shqipërisë në 110-vjetorin e Pavarësisë. Shtetet e Bashkuara janë gjithashtu krenare të festojnë 100-vjetorin e marrëdhënieve diplomatike SHBA-Shqipëri dhe partneritetin e gjerë e të fortë që kemi ndërtuar së bashku.
Shtetet e Bashkuara kanë qenë të nderuara të punojnë së bashku me Shqipërinë në Këshillin e Sigurimit të Kombeve të Bashkuara, teksa ju vazhdoni të jepni kontribut të rëndësishëm në skenën botërore.
Shqipëria ka shfaqur lidership dhe guxim duke mbështetur Ukrainën dhe duke vënë në dukje veprimet e aktorëve keqdashës në Evropë dhe në mbarë botën.
Kontributet e çmuara të Shqipërisë si aleate e NATO-s ndihmojnë në mbajtjen e Aleancës të fortë, të përgatitur dhe të vendosur.
Shtetet e Bashkuara falënderojnë gjithashtu Shqipërinë për partneritetin dhe mbështetjen e saj gjatë zhvendosjes së afganëve. Ne urojmë Shqipërinë për arritjen e hapjes të negociatave me BE në korrik dhe mbetemi të përkushtuar për t’ju mbështetur”, shkruhet në mesazh.
/a.r
Amanet Sali Berishen zonja Kim.
Atë të na e ruash mirë, si “nga era ashtu dhe nga shiu, si nga vapa dhe kur fryn veriu”….
Shyqyr që po na uron e na jep mënd, në këtë ditë të shënuar për kombin tonë, që të huajt, ja kanë futur sa ja u ka ngrënë krahu, gjithsesi, faleminderit dhe në mbyllje edhe njehere, amanet Sali Berishen……që më mirë, të shkoje e ta takoje e pije një kafe sot, me sebep të kësajë feste, bile mund të shkosh edhe nesër, më 29 Nentor që është festa e çlirimit, por kam frikë se Saliu nuk pranon vizita mbasi nuk e njeh këtë festë.
Shëndet e jetë rë kesh për vehte mbasi ne, mirë do të jemi edhe pa sherbimet e tua në mbrojtie të Sali Berishes.