Videodeklarata e kryeministrit aktual dhe presidentit të ardhshëm të Serbisë, Aleksandar Vuçiç, për ish-shefin e Misionit Verifikues të OSBE-së në Kosovë, William Walker në lidhje me projektin për “unifikimin e shqiptarëve” në Shqipëri, Kosovë dhe në Diasporë, është bllokuar në YouTube, transmeton Koha.net.
Sipas medieve serbe, videodeklarata e kryeministrit për portalin Sputnjik është bllokuar pas 19.319 shikimeve.
Vuçiç e akuzonte Walker si lobist shqiptaromadh dhe shkaktar të bombardimeve që iu bënë Serbisë nga NATO më 1999, pas “mashtrimit me rastin e Reçakut”, transmeton Koha.net.
“Lëre që ka bashkëpunuar me Shqipërinë, lëre se ishte i angazhuar nga Agjencia Amerikane Informative. A është e mundur se ti, njeriu që na flisje se je neutral dhe objektiv, tani angazhohet për Shqipëri të madhe?
Pastaj thua se ke zgjidhje! Prapë kështu po na kërcënohesh? Mos na kërcëno më!” tha Vuçiç. Në sqarimi theksohet se “regjistrimi përfshin përmbajtje të partnerit (Merilin) KVZ Digital, i cili e ka bllokuar në përputhje me të drejtat e autorit”. Por, “Sputnjik” pohon se i gjithë materiali është i tij. (b.an)
