Kryetari i Lëvizjes Vetëvendosje, Visar Ymeri, ka thënë se Serbia po ushtron kontroll në Kosovë përmes Listës Serbe, ndërsa në të ardhmen, sipas tij, këtë kontroll synon ta ushtrojë përmes Asociacionit të Komunave serbe, të cilin partia e tij e quan “Zajednicë”.
Ymeri, përmes një postimi në Facebook, ka krahasuar këtë ndikim të Serbisë në shtetet fqinje me atë të Rusisë dhe Putinit, për të cilët ai tha se “hegjemonistë e imperialistë, të cilët dhunshëm, herë përmes kontrollit politik në institucionet qendrore, e herë përmes okupimit faktik të një pjese të territorit, ushtrojnë kontroll gati në të gjitha vendet e ish-Bashkimit Sovjetik, e të cilat i ka në kufi”.
