Ylli më i madh i muzikës moderne serbe, Jelena Karleusa, në një postim shpërthyes në Facebook ka fyer rëndë Rita Orën dhe mbarë Kosovën pas hapjes së rrugës për pranimin në UNESCO. Sipas yllit serb kosovarët janë popull barbar dhe egërsira që sipas saj merr trashëgiminë e huaj, teksa ka fyer keq publikisht edhe Rita Orën që vjen nga Kosova.
Këtë ylli serb e bëri pasi mediat kroate raportuan se Rita Ora është ambasador i madh i Kosovës dhe është në luftë me yllin serb, transmeton Telegrafi.
Postimi i plotë i Jelena Karleusas:
“Të nderuar vëllezër kroat, unë nuk jam egërsirë, egërsira janë këta që po i shkatërrojnë dhe po na i vjedhin monumentet historike. Unë jam njeri i arsyeshëm, që është kundër këtyre barbarëve”. “Fuck it nëse është Rita Ora apo kush do të tjetër që mendon se duhet të hesht. Unë s’kam qëndruar e heshtur për Srebrenicën dhe s’do të hesht as për këtë”, u shpreh Jelena Karleusa në një postim në Facebook. Kështu Jelena hapur ka shprehur racizmin duke quajtur kosovarët egërsira.
