Ylli Manjani: Kisha s’duhej prekur, tek Liqeni nuk duhet ndërtuar më! Pikë!
Numri dy i LSI Ylli Manjani vijon të jetë kritik për disa nisma të qeverisë Rama. Ai tha për Ora News se debati për kishë e Dhërmiut ishte i pavend.
“Kemi një Kushtetutë që e ndan shetin nga kisha, nga kleri.
Këto nuk janë çështje të shtetit, as qeverisë dhe aq më pak të qeverisë greke”, tha ai.
Manjani foli gjithashtu për ndërtimet tek Liqeni i Tiranës.
“Unë nuk i hyj fare projektit, jam i pikëpamjes se aty nuk duhet ndërtuar.
Në hapësirën e Liqenin Artificial nuk duhet lejuar ndërtimi, pikë.
Mezi e pastruam atë pjesën aty kur erdhi Papa, morëm një vendim si qeveri për ta pastruar atë zonë, e pastruam.
Tani pse duhet të vendosim ta ndotim prapë“, tha ai.
Nënkryetari i LSI shprehu gjithashtu kundërshti për çështjen e mbledhjes së taksave vendore dhe shkrirjen e policisë bashkiake.
