I turpëruar dhe i braktisur. Këto janë ndjesitë e Jadon Sancho në këtë periudhë te Borussia Dortmund. Një eksperiencë që duket se do të marrë fund shumë shpejt.
Sulmuesi anglez e ka nisur sezonin me paraqitje që e kanë bërë atë një nga talentet më të kërkuar në botë, më pas kanë ndodhur disa gjëra që kanë çuar te prishja e marrëdhënieve të lojtarit me klubit.
Në fillim ka ardhur përjashtimi nga ndeshja kundër Borussia Monchengladbach për shkak se u kthye me vonesë nga grumbullimi me kombëtaren Under 21. Më pas ka ardhur pakënaqësia për zëvendësimin pas vetëm 36 minutash lojë në ndeshjen e humbur 4-0 kundër Bayern Munich.
Nuk është një mister që, herët ose vonë, Sancho do të ishte larguar nga verdhezinjtë për të bërë hapin e madh në karrierë, por rrethanat tregojnë se ky largim do të vijë më shpejt nga sa mendohej.
Janëtë shumtë klubet e Europës që e duan 19-vjeçarin: në Premier League janë Liverpool dhe Manchester United, ndërsa në La Liga kërkohet nga Barcelona dhe Real Madrid.
Vlera e tij në treg është 100 milionë euro.
