Qyteti lindor kinez Yiwu, i njohur si një furnizues kryesor për platformat kineze të tregtisë elektronike ndërkufitare, është angazhuar të nisë një raund të ri reformash të tregtisë ndërkombëtare që synojnë forcimin e rolit të tij në tregtinë globale, shkruan “Xinhua”.
Plani përshkruan vizionin për të nxitur reformat në Yiwu përmes hapjes së mëtejshme, së bashku me iniciativa të tilla si inovacioni i mekanizmave tregtarë të prokurimit, promovimi i zhvillimit të tregtisë së importit, rritja e funksionalitetit të zonave gjithëpërfshirëse të lidhura dhe forcimi i rregulloreve ndërkufitare të tregtisë elektronike.
Rritja e fuqishme e Yiwu-së është e dukshme në të dhënat e saj tregtare. Në dhjetë muajt e parë të vitit, vëllimi i importeve dhe eksporteve të qytetit u rrit me 18.3 për qind në baza vjetore, duke arritur në 560.16 miliardë juanë (rreth 77 miliardë dollarë amerikanë), sipas të dhënave doganore.
Po ashtu qyteti po fokusohet edhe në tregtinë elektronike ndërkufitare dhe tregtinë dixhitale. Qendra e saj Globale e Tregtisë Dixhitale, e cila përdor inteligjencën artificiale dhe mjetet dixhitale për të përmirësuar elementët kryesorë të tregtisë, si zinxhirët e furnizimit, logjistika dhe tregu, synon të hapë seksionin e tregut për operacione provë në tetor 2025
