Sapo e sheh, mustaqet dhe modeli i flokëve të kujtojnë Stalinin. Hossein Yazdanpanah është kryetar i Partisë Kurde për Liri dhe ka një ngjashmëri të habitshme me diktatorin sovjetik.
Por paralelet mes të dyve nuk ndalen thjesht te pamja e jashtme. Ai ka edhe sjellje dhe gjeste që ngjajnë me Stalinin, madje edhe mban një uniformë ushtarake të ngjashme dhe lejon të publikohen vetëm fotot në të cilat e mban veshur.
Yazdanpanah u ka mbijetuar shumë atentateve nga agjentët iranianë. Ai është bërë personazh në rrjetet sociale ruse ditët e fundit.
Madje, disa prej përdoruesve të këtyre rrjeteve shkruajnë se fotot e Yazdanpanah mund të jenë modifikuar me Photoshop.
Por ekspertët thonë se fotot e tij nuk janë prekur. Vetë Yazdanpanah, mesa duket në mënyrë të qëllimshme, ka adoptuar sjelljet dhe gjestet e Stalinit dhe kjo është e dukshme në daljet e tij televizive, raporton Shekulli.
Shumë thonë se lideri kurd aspiron pushtetin dhe madhështinë e Stalinit.
TEMA
