Përhapja e koronavirusit kinez është duke u përshpejtuar, paralajmëron presidenti Xi Jinping ndërkohë që 230 të prekur nga virusi janë në gjendje të rëndë shëndetësore.
Presidenti kinez Xi Jinping zhvilloi një takim të veçantë qeveritar gjatë festave të Hënës së Re për të paralajmëruar se përhapja e një virusi të ri vdekjeprurës po “shpejtohet”.
Vendi po përballet me një “situatë të rëndë”, u tha z. Xi zyrtarëve të lartë, – sipas televizionit shtetëror.
Koronavirusi ka vrarë të paktën 41 njerëz dhe ka infektuar gati 1.300 që nga zbulimi i tij në qytetin e Wuhan.
Kufizimet e udhëtimit kanë prekur tashmë disa qytete të prekura.
Dhe nga e diela, automjetet private do të ndalohen të qarkullojnë Wuhan, burimi i epidemisë.
Brenda disa javësh, do të ndërtohet një spital i dytë urgjent për të menaxhuar 1.300 pacientë të rinj, i cili do të përfundojë për 15 ditë. Puna ka filluar tashmë në një spital tjetër me 1000 shtretër i cili do të ndërtohet brenda dhjetë ditëve.
Ekipet e specializuara të mjekësisë ushtarake u transportuan gjithashtu në provincën Hubei, ku ndodhet Wuhan.
Një mjek në Kinë është prekur nga Koronavirusi teksa trajtonte pacientët në spitalin e Wuhan, vendi nga ku edhe ka shpërthyer ky virus.
Sipas The Guardian mjeku 62-vjeçar ka ndërruar jetë.
Kujtojmë që rastet e para të Koronavirusit u raportuan në Wuhan në ditën e fundit të vitit të kaluar. Besohet se origjina e virusit është marrë nga kafshët, më konkretisht nga gjarpërinjtë.
Përveç kinës virusi ka përfshirë deri më tani edhe nëntë vende të tjera si: Tajlandë, Tajvan, Korea e Jugut, Vietnam, Japoni, Singapor, Arabia Saudite, Francë dhe Shtetet e Bashkuara.
Nga ana tjetër qeveria amerikane po pergatotet per evakuimin e diplomateve te saj dhe qytetareve amerikane nga qyteti kinez i goditur nga virusi vdekjeprures.
Lajmin e raportojne mediat e huaja, referuar ne burime qe nuk identifikohen. Operacioni vjen pasi numri i vdekjeve nga një koronavirus që filloi në Wuhan.
Përhapja e shpejtë e sëmundjes ditët e fundit nëpër Kinë dhe në mbarë botën, përfshirë dy raste në SH.B.A., ka ngjallur frikën e perhapjes se madhe.
Rreth 1.000 qytetarë amerikanë mendohet se janë në Wuhan, dhe konsullata e SHBA atje ka plan t’i marre me nje avion carter te vene ne dispozicion./Javanews
