Xhulio Prela, efektivi 26-vjeçar i FNSH në Shkodër është nxjerrë në pritë dhe më pas është ekzekutuar. Sipas Report tv, konfirmojnë se familjarët kanë deklaruar në polici se ai u mor në telefon nga dikush dhe më pas u nis drejt Lezhës.
Xhulio Prela, 26 vjeç efektiv i FNSH në qytetin e Shkodrës është ekzekutuar me një plumb në zemër mëngjesin e sotëm.
Autorët e vrasjes janë identifikuar dhe janë larguar nga vendngjarja me një kamion në ngjyrë të verdhë. I riu me origjinë nga Puka jetonte prej vitesh në Lezhë, ndërsa vazhdonte edhe studimet në Akademinë e Sigurisë në Tiranë.
Policia po heton në disa pista në lidhje me ekzekutimin e efektivit të FNSH-së Xhulio Prela mëngjesin e sotëm në aksin Milot-Lezhë.
Prela nuk njihej si problematik dhe se pistat e ngritura nga policia janë vrasje për shkak të detyrës, konflikt i çastit apo edhe një tentativë grabitje, ku si polic Prela mund të ketë reaguar dhe është vrarë.
Prela njihej si një person mjaft pozitiv, me rezultate shumë të mira në Akademinë e Sigurisë ku studionte, ndërsa nuk ka patur sherre në të kaluarën. Policia deri tani nuk ka asnjë provë që e implikon të ndjerin me personazhe problematik.
g.kosovari
