Xhufi: Kisha Ortodokse nën protektorat antishqiptar, shfrytëzon shenjtërinë për konflikt
Ka shumë paqartësi në këtë histori, e vetmja gjë e qartë është zhvillimi i kësaj historie sipas një skenari tashmë të njohur e të eksperimentuar në raste të tjera, sa në Himarë, në Përmet, Kosinë, Boboshticë e gjetkë”.
Kështu shprehet historiani e studiuesi Pëllumb Xhufi, në lidhje me përplasjen për kishën e Shën Thanasit në Dhërmi. Teksa e sheh si një çështje që u përdor për të nxitur konflikt, ai kritikon INUV-in, Bashkinë e Himarës dhe Ministrinë e Kulturës që deri më tani nuk kanë dalë të sqarojnë zyrtarisht se çfarë ndodhi në Himarë dhe pse.
Duke kujtuar se konflikte të tilla, sado të vërteta apo të stisura qofshin, nuk mund të zgjidhen me një “fali Zot, se s’dinë ç’bëjnë”, që vetëm sa ndez gjakrat, Xhufi vëren se ky episod duhet të shërbejë për të ndarë njëherë e mirë kufijtë midis “pushteteve të konstituuara” dhe “pushteteve të pakonstituuara”.
