Një 32-vjeçar nga Shkodra është arrestuar ditën e sotme nga policia, pasi lëvizte me armë zjarri nëpër qytet. Mësohet se se shtetasi me inicialet Gj. P. 32 vjeç, ka qënë i dënuar më parë me 8 vite burg për veprën penale “Vjedhja me armë”.
Ndërs ditën e sotme, pas informacioneve të marra nga qytetarët, shërbimet policore kanë lokalizuar personin e dyshuar në lagjen “Vasil Shanto”, në Shkodër, i cili qarkullonte me një automjet dhe i kanë bërë shenjë të ndalojë.
Në momentin që 32-vjeçari ka parë Policinë ka tentuar të largohet dhe ka hedhur një armë zjarri pistoletë tip “Zastava” me dy krehra me fishekë, por është bllokuar dhe arrestuar nga uniformat blu.
Sakaq, vijojnë hetimet për dokumentimin e ngjarjeve të mëparshme në të cilat dyshohet së është i përfshirë ky shtetas. Ndërsa materialet iu referuan Prokurorisë së Rrethit Gjyqësor Shkodër, për veprën penale “Mbajtja pa leje e armëve dhe municionit luftarak”.
