Kërkohej nga Maqedonia për lidhjet e tij me ISIS dhe luftimet e jashtligjshme si xhihadist në Siri, gjykata e Tiranës lejon ekstradimin të 46-vjeçarit Imerli Avhmeti. Avhmeti u prangos në 14 gusht nga antiterrori i Tiranës ndërsa rezultoi se në Shqipëri kish hyrë ilegalisht dhe mbante lidhje me persona me prirje radikale. Katër muaj pas arrestimit nga njësia e antiterrorit në policinë e Tiranës, gjykata ka lejuar ekstradimin e Imerli Avmetit drejt Maqedonisë.
46-vjeçari që shihni në këtë foto është person që dyshohet nga autoritetet maqedonase për lidhje me ISIS dhe si person që ka luftuar në Siri për llogari të kësaj organizate dhe rekrutues xhihadistësh. Avmeti u prangos në Gusht nga policia e Tiranës ndërsa ka rezultuar se në territorin Shqiptar ai ishte future ilegalisht pasi prej më shumë se 1 viti ishte shpallur në kërkim ndërkombëtar.
Imerli Avmeti
Si u zbulua Avmeti nga polica?
Më 13 Gusht 2016 Interpol maqedonas e shpalli në kërkim me urdhër-arrresti ndërkombëtar. Avmeti kish lënë Maqedoninë ndërkohë dhe 24 orë më pas më 14 Gusht ai u prangos në Tiranë.
Avmeti rezulton të jetë mbajtur në vëzhgim prej më shumë se 2 javësh në Tiranë ku dyshohet se fshihej pas dijeni që ai kish marrë se po hetohej nga autoritetet Maqedonase. Avmeti nuk ishte një emër i panjohur për shërbimet inteligjente shqiptare, pasi prej më shumë se 2 vitesh të gjitha lëvizjet e tij në territorin shqiptar ishin mbajtur nën vëzhgim.
Sipas të dhënave të siguruar nga ReportTv rezulton se për herë të fundit ligjërisht ai kish hyrë në territorin shqiptar më 3 gusht 2014 ku ka qëndruar për 4 orë për të dalë me autoveturë nga pika kufitare e Blladës në ora 19:10 minuta.
Ndërkohë rezulton se Avmeti ka dhe 4 kalime të tjera të kufirit tokësorë Maqedoni-Shqipëri ndërmjet pikave kufitare të Qafë Thanës, Morinës e Muriqanit.
Ekstradimi i tij është lejuar pak ditë më parë nga gjykata e Tiranës dhe ai do të përballet në Maqedoni me akuzën e “Pjesmarrës në ushtri të huaj, formacione paraushtarake, polici” e cila parashikohet nga neni 322/a i Kodit Kriminal të Republikës së Maqedonisë.
