Detaje të reja kanë dalë në lidhje me konfliktet mes dy vëllezerve Bardhi që u ekzekutuan një natë më parë në Kruja, dhe Roland Pulës, autorit të krimit. Mësohet se një prej viktimave, Xhentil Bardhi ka qenë prift dhe një besimtar i rregullt, ndërsa tjetri, Gramoz Bardhi, ishte i martuar dhe me dy fëmijë.
Të dy janë marrë prej vitesh me grabitje dhe kultivim kanabisi, dhe në shumë raste kanë pasur edhe bashkëpunim me autorin e krimit që ishte edhe fqinj i tyre, Roland Pula.
Pvarësisht bashkëpunimeve, mes autorit dhe viktimave ka pasur edhe konflikte të herëpashershme. Madje, rreth 15 vite më parë, djemtë e familjeve përkatese janë rrahur tek fusha e sportit të fshatit.
Më kalimin e kohës bashkëpunimet kanë rinisur, ndërsa kjo rrahje nuk është harruar. Mësohet se viktimat kanë plagosur me armë zjarri edhe xhaxhain e Pulës.
Mirëpo, sherret kulmuan një natë më parë, kur dy vëllezërit e ekzekutuar, diskutuan me fjalë me vëllain e Roland Pulës dhe në gjaknxehtësi e sipër autori qëlloi mbi ta me kallashnikov dhe i la të vdekur në vend.
Paraprakisht dyshohet që mbi dy viktimat të jetë qëlluar njëkohësisht, kështu që ka dyshime që në këtë vrasje të ketë marrë pjesë edhe një tjetër person përveç Pulës.
Vrasje e dyfshitë ndodhi rreth orës 22:25 të mbrëmjes djeshme në Krujë. Dy vëllezërit, Xhentil dhe Gramoz Bardhi u qëlluan për vdekje nga Roland Pula në lokalin e fshatit Gramëz. Të rinjtë humbën jetën rrugës për në spital. Dyshohet se shkak i ngjarjes së rëndë është bërë prishja e pazareve për vjedhjet. Policia është në kërkim të autorit, ndwrkohw qw wshtw sekuestrohet makina e tij luksoze.
g.kosovari
