Xhelal Mziu, Drejtuesi politik i PD në Dibër, tiparet e tij mashkullore i ka treguar fort, sidomos kur ishte kryetar i bashkisë së Kamzës.
Ndaj po nga Peshkopia, mori përsipër të vinte në vend nderin e meshkujve, nëpërkëmbur sipas tij nga Edi Rama.
“Është Dibra e trimave, e pushkës, e Elez Isufit. Ne e kemi mbrojtur me pushkë, Shqipërinë, edhe Vlorën, i kemi bërë ballë Turqisë, Serbisë, diktaturës, neodiktaturë. Nuk e ka provuar vullkanin e dibranëve. Ne e ndezim Shqipërinë. Ky që guxon të merret me dibranët, do e pësojë më 11 maj. Ne do ta grushtojmë këtë qeveri, do e mbysim.”
por Xhelal Mziu ka një problem me deklaratat. Zakonisht tërhiqet një dite me vone. Në fushatën e 2021, një dite pasi aktivisti i majtë Pjerin Xhuvani u vra në Elbasan, po nga Dibra doli e paralajmëroi gjak:
“Nga sot e në vazhdim, çdo person i dyshimtë që lëviz në lagjet tuaja, mjafton një telefonatë dhe ai do ta pësojë njësoj si ai i Elbasanit”, tha ai.
Por një dite me pas diçka ndodhi me Xhelalin. I prerë në fytyrë Mziu doli të lexonte një deklaratë të shkruar, në të cilën shfaqte pendesë dhe ishte kundër dhunës.
Ndoshta kësaj radhe Mziut nuk ka kush t’i tërheqë vëmendjen për të korrigjuar deklaratën e tij të re, që bën thirrje sërish për dhunë. Por ne 11 maj, vota e dibranëve do të testoje dhe aftësitë e tija mashkullore, ashtu si shamikuqja ja testoi në bashkinë e Kamzës, pak vite me parë.
