Historia e 65-vjeçarit Isuf Musaj është dramatike.
Prej 10 vitesh, shtëpia e tij në Kamëz përmbytet sistematikisht.
I zhytyr në borxhe, ai dhe bashkëshortja e tij thonë se kanë tentuar vetëvrasjen.
“Shtëpia ime çdo dimër është përmbytur, kam 10 vite që kaloj të njëjtën histori vuajtjesh. Nuk mundem më”, thotë ai mes lotëve.
“Unë kam 30 vite që banoj këtu. Shtëpia është ndërtuar në kohën e monizmit. Është e lartë, por atëherë nuk ka pasur përmbytje, sepse ishin kanalet dhe hidrovoret e hapur. Filloi duke u populluar zona, pasi kur e kam ndërtuar unë shtëpinë, nuk ka pasur familje të tjera.
Më pas filloi gradualisht historia e përmbytjeve në këtë zonë. Para 3 vitesh më hyri uji komplet brenda dhe jam detyruar të futem borxh, sepse ishin shkatërruar të gjitha orenditë, divanet, soba etj. Kam shkuar të bashkia për të kërkuar ndihmë dhe nuk na kanë dhënë asgjë”, vijoi me tëj 65-vjeçari.
“Gruaja këtë radhë nuk pranonte të dilte nga shtëpia dhe djali i thotë: “Mami do të na koritësh”? Sapo kemi dalë tek dera ka hyrë uji me vrull dhe për 20 minuta ka arritur 2 metra niveli i tij”, thotë ai.
“Do të vras vetën! Xhelal Mziu është fajtor se nuk na ka dhënë një ndihmë. Unë i paguaj të gjitha taksat atij. Erdhi bëri një vizitë qesharake dhe ashtu duarkryq tha: Nuk më ndihmon qeveria, nuk kam çfarë të bëj”, e mbyll rrëfimin e tij 65-vjeçari.(TemA)
