Deputeti i Partisë Demokratike, Xhelal Mziu deklaroi se të dyja grupimet në këtë forcë politike duhet të kenë vullnet për bashkëpunim, në mënyrë që të dalin me një listë të përbashkët për zgjedhjet e ardhshme vendore.
Në një intervistë për Euronews Albania, Mziu u shpreh se Sali Berisha ka treguar që ka mazhorancën brenda Partisë Demokratike.
“Nuk besoj që në zgjedhjet lokale ne duhet të merremi me zotin Berisha. Sidoqoftë, zoti Berisha deri në këto momente ka treguar që ka një mazhorancë edhe brenda PD-së. U konfirmua më 6 mars.
Unë them dhe ngelem shpresëplotë, që të dyja grupet e Partisë Demokratike do të fokusohen për të konverguar në personat që kanë aksionet politike apo publike në atë zonë. Nëse ka një vullnet të mirë, do të përfitojmë një listë që jo vetëm do t’i unifikojë demokratët për të qenë të bashkuar, por edhe për të dalë përtej opozitës”, theksoi ai.
/s.f
